Sanitariya-Karantin Mərkəzinin vəzifəli şəxsləri həbs ediliblər. Bu haqda bu gün, 1 may tarixində Bakuplus.az Baş Prokurorluğa istinadən xəbər verir.
Korrupsiyaya qarşı Mübarizə Baş İdarəsinin keçirdiyi əməliyyat zamanı Respublika Sanitariya-Karantin Mərkəzinin baş direktoru Saleh Novruzi, direktor müavini Yadulla Balışov və Laboratoriya şöbəsinin müdiri Tahir Vəliyev cinayət başında yaxalanıblar.
Onlar qabaqcadan əlbir olaraq, müayinə məqsədli nümunələr götürülmədən idxal və daxili istehsal məhsullarının gigiyenik sertifikatlaşdırılması və digər bu kimi qanunsuz hərəkətləri müqabilində ayrı-ayrı vətəndaşların külli miqdarda pul vəsaitlərini rüşvət qismində almaqda şübhəli bilinirlər.
Faktla bağlı cinayət işi başlanılıb.
