Emin Ağalarov sosial şəbəkə hesabında "Sea Breeze" istirahət mərkəzində tam təmirli ev hədiyyəsi ilə bağlı paylaşım etdikdən sonra dələduzlar ortaya çıxıb. Bu haqda bu gün, 16 avqust tarixində Bakuplus.az xəbər verir.
Dələduzlar müsabiqədə iştirak edənlərə "Təbrik edirik, siz "Sea Breeze"də ev qazandınız" mesajı göndərir, daha sonra naməlum linkə daxil olub qeydiyyatdan keçmələrini tələb edirlər.
Emin Ağalarov bu məsələyə aydınlıq gətirərək bildirib ki, müsabiqə ilə bağlı bütün rəsmi məlumatlar yalnız seabreeze.realestate, seabreezeresortbaku və eminofficial Instagram səhifələrində təqdim olunur.
Qeyd edək ki, müsabiqə oktyabrın 10-da başa çatır, qalib isə oktyabrın 17-dən gec olmayaraq random vasitəsilə müəyyənləşəcək.
