Kliniki Tibbi Mərkəzdə (keçmiş Semaşko adına xəstəxana) onlayn sistem çöküb. Bu haqda bu gün, 26 iyul tarixində Bakuplus.az Oxu.az-a istinadən məlumat verir.
Texniki nasazlıqlara görə həkim qəbulu prosesində problemlər yaranıb, xəstələr arasında gərginlik yaşanıb.
TƏBİB-nin mətbuat xidmətinin rəhbəri Zamirə Ədilova hadisənin baş verdiyini təsdiq edib: “Böyük dataların mövcud olduğu platformada belə texniki fasilələr, təəssüf ki, bəzən qaçılmaz olur. Hazırda sistem üzərində iş aparılır. Ən qısa zamanda problem aradan qaldırılaraq, sistem işə salınacaq. Anlayışınız üçün təşəkkür edirik!”.
