Sevgilisini qəsdən yandıran şəxsə hökm oxunub. Bu haqda bu gün, 15 iyun tarixində Bakuplus.az Qafqazinfo-ya istinadən xəbər verir.
Hadisə paytaxtın Yasamal və Nərimanov rayonları ərazisində baş verib. 29 yaşlı Elman Məmmədov sevgilisi Səidəni yatdığı zaman cəzalandırmaq məqsədilə onun dodağını qaynar halda olan siqaretlə yandırıb. Bundan başqa, Nərimanov rayonu Keşlə qəsəbəsi ərazisində küçədə saçından tutaraq sürüyüb və yerə yıxaraq döyüb.
Şahid ifadələri və digər dəlillər xəsarətlərin qəsdən yetirilməsini göstərib.
Nərimanov Rayon Məhkəməsinin hökmü ilə Elman Məmmədova 2 il həbs cəzası verilib. O, məhkəmə zalında həbs edilib.
