Ağdam və Kəlbəcərdə silah, sursat və döyüş texnikası müsadirə edilib. Bu haqda bu gün, 25 sentyabr tarixində Bakuplus.az Müdafiə Nazirliyinə istinadən xəbər verir.
Ağdam rayonunun Qızıl Kəngərli kəndində Ermənistan silahlı qüvvələrinin birləşmələri və qeyri-qanuni erməni silahlı dəstələrinə məxsus tank, piyadanın döyüş maşınları (PDM), hərbi avadanlıqlar, xeyli sayda artilleriya mərmiləri, tank əleyhinə vasitələr, minaatanlar, müxtəlif çaplı silah və sursat aşkarlanıb.
Kəlbəcər rayonu ərazisində müsadirə edilən Ermənistan silahlı qüvvələrinin birləşmələri və qeyri-qanuni erməni silahlı dəstələrinə məxsus döyüş texnikası, silah və sursat, artilleriya qurğuları, müxtəlif təyinatlı hərbi nəqliyyat vasitələri, əl qumbaraları və digər döyüş sursatları Kəlbəcər rayonu ərazisindəki toplama məntəqəsinə daşınıb.
Bölgədə silah, sursat və döyüş texnikasının müsadirəsi davam etdirilir.
