İsmayıllı rayonunda polis qanunsuz heyvan kəsimi ilə məşğul olan şəxsi saxlayıb. Bildirilib ki, ətin paytaxta ixracı nəzərdə tutulmuşdur. Bu haqda bu gün, 26 fevral tarixində Report məlumat verib.
Rayon sakini Rüstəm Həmzəyevin yaşadığı ünvana baxış zamanı mənşəyinə və sağlamlığına dair heç bir sənədi olmayan 4 atın əti, həmçinin bu atların başları aşkar edilib. Ev sahibi ifadəsində əti sümükdən ayırıb Bakıda satmaq niyyətində olduğunu bildirib.
Azərbaycan Qida Təhlükəsizliyi Agentliyi tərəfindən müvafiq ət nümunələri götürülərək analiz üçün laboratoriyaya göndərilib.
Faktla bağlı araşdırma aparılır.
[URIS id=34962]
