SOCAR-ın birinci vitse-prezidenti ilə vida mərasimi bu gün saat 12:00-da Azərbaycan Milli Elmlər Akademiyasının Rəyasət Heyətinin Bakı şəhəri, İstiqlaliyyət küçəsi, 30 ünvanında yerləşən binasında baş tutacaq.
10:14 - SOCAR-ın birinci vitse-prezidenti Xoşbəxt Yusifzadə vəfat edib
Azərbaycan Dövlət Neft Şirkətinin (SOCAR) birinci vitse-prezidenti Xoşbəxt Yusifzadə ötən axşam dünyasını dəyişib. Bu haqda bu gün, 4 oktyabr tarixində Bakuplus.az məlumat verir.
Yusifzadənin 93 yaşı var idi. O, bu gün Birinci Fəxri Xiyabanda dəfn olunacaq.
Xoşbəxt Yusifzadə 1930-cu il yanvarın 14-də Bakının Pirşağı kəndində anadan olub. O, 1947-ci ildə orta məktəbi bitirib və M. Əzizbəyov adına Azərbaycan Sənaye İnstitutunun (indiki Azərbaycan Dövlət Neft və Sənaye Universiteti) Geoloji kəşfiyyat fakültəsinə daxil olub.
2005-ci ildə o, professor elmi adına layiq görülüb. 2007-ci ilin aprel ayında Azərbaycan Milli Elmlər Akademiyasının həqiqi üzvü seçilib.
