Ölkə ərazisində yeni dələduzluq növü yayılıb. Bu haqda bu gün, 16 aprel tarixində Bakuplus.az ATV News-a istinadən xəbər verir.
Sosial şəbəkələrdə “bank borclarını silirəm, kəsirləri düzəldirəm, imtahan ballarını artırıram” vədlərini verərək kiberdələduzlar insanların pullarını mənimsəyirlər.
“Məndən hər bala görə 100 manat istəyiblər. Mənim tanışım isə 20 bal üçün 2000 manat pul ödəyib, lakin ballar əlavə olunmayıb”, – deyə sakinlərdən biri bildirib.
Hər hansı kibermüdaxilə ilə balları artırmaq mümkündürmü?
Dövlət İmtahan Mərkəzinin (DİM) sistemi dövlət tərəfindən qorunur. Bu səbəbdən kiberdələduzların həmin serverlərə əlçatanlığı mümkünsüzdür.
İnformasiya və kommunikasiya texnologiyaları (İKT) üzrə mütəxəssis Elvin Abbasovun sözlərinə görə, pulla hər hansı qiymət artırmaq və ya kesirləri aradan qaldırmaq mümkün deyil. Bütün sistem nəzarət altındadır.
Daxili İşlər Nazirliyinin (DİN) əməkdaşı Aygül Həmdizadə bildirib ki, həmin paylaşımları edən şəxslər, adətən, vətəndaşlara saxta xarici nömrələrdən zənglər edir və yazışmanı WhatsApp vasitəsilə aparırlar.
