Sosial şəbəkələrdə özlərini polis əməkdaşı kimi təqdim edən dələduzlarla bağlı məlumatlar haqda açıqlama verilib. Bu haqda bu gün, 29 may tarixində Bakuplus.az Qafqazinfo-ya istinadən xəbər verir.
Bildirilir ki, bir qrup şəxs özlərini polis əməkdaşı kimi təqdim edərək, insanların şəxsiyyət vəsiqəsi barədə məlumat toplayır, daha sonra oğurluq məqsədilə evlərə daxil olurlar. Onların əlində noutbuk və biometrik cihazlar olur. Bununla görüntülər də yayılıb.
Məlum olub ki, sözügedən görüntülər Azərbaycana aid deyil. Həmin görüntülər daha öncə Lİvan və İordaniya kimi ölkələrdə də yayılmışdı.
Daxili İşlər Nazirliyindən də görüntülərin Azərbaycana aid olmadığı təsdiqlənib.
