Dekardan 1-dən “Soyuq əllər, isti ürək” xeyriyyə Yeni il yarmarkası öz fəaliyyətini bərpa edəcək. Bu haqda Ülviyyə Mahmudova öz İnstagram səhifəsində məlumat yayıb.
Yarmarka “Nargis” Fondunun təşkilatçılığı və dəstəyi ilə Fəvvarələr meydanında keçiriləcək.
“Soyuq əllər, isti ürək” yarmarkası artıq 7 ildən çoxdur ki, hər qış keçirilir. Ötən il pandemiya dövründə karantin rejiminin xüsusi qaydalarına əsasən tədbir ləğv edilmişdir.
“Nargis” Xeyriyyə Fondu 2012-ci ildə Ülviyyə Mahmudova tərəfindən təsis edilmişdir. “Soyuq əllər, isti ürək” xeyriyyə yarmarkasının təməli isə 2013-cü ildə qoyulmuşdur. Fond bir sıra xeyriyyə layihələri həyata keçirmişdir, uşaq və qocalar evlərinə, aztəminatlı ailələrə maliyyə dəstəyi göstərmişdir, həmçinin müxtəlif xəstəliklərdən əziyyət çəkən uşaqların müalicə və əməliyyatını həyata keçirmişdir. Həmçinin, fond 2019-cu ildən Novruz bayramına həsr olunmuş “Torpaq əlimdə, bahar ürəyimdə” yaz yarmarkası təşkil edir.
