Səbaildə 4 nəfərin zəhərləməsi ilə bağlı içkini hazırlayan istehsalçı tərəfindən reaksiya verilib. Bu haqda bu gün, 9 may tarixində Bakuplus.az Oxu.az-a istinadən xəbər verir.
“Abşeron-Şərab” ASC-nin idarə heyətinin sədri Xəlil İsmayılov bildirib ki, müəssisə artıq 20 ildən çox fəaliyyət göstərir və belə hadisə ilk dəfə baş verir. O qeyd edib ki, həmin şəxslərin içdiyi “Black Jack” viskisi 15 ildir həm Azərbaycanda satılır, həm də xarici ölkələrə ixrac edilir.
“Bizim Azərbaycan Respublikasının Qida Təhlükəsizliyi Agentliyindən (AQTA) sertifikatımız var. Akkreditasiyadan keçmiş labaratoriyamız var. Hər gün istehsal etdiyimiz məhsullar orada analizlərdən keçirilir”, – deyə o bildirib.
Mayın 6-na keçən gecə hotellərin birində 4 nəfərin zəhərlənməsi barədə məlumat yayılıb. Onlardan ikisi dünyasını dəyişib. İddialara görə, zəhərlənmənin səbəbi viski olub. AQTA isə zəhərlənmənin qida ilə heç bir əlaqəsi olmadığını bildirib.
