Su Nəqliyyatında Polis İdarəsi Bakıda növbəti əməliyyat keçirib. Bu haqda 27 yanvar tarixində Daxili İşlər Nazirliyi məlumat verib.
Daxili İşlər Nazirliyinin “102” Xidməti Zəng Mərkəzinə daxil olan şikayət əsasında əməliyyat keçirilib. Şikayətçi olan xanım bildirib ki, Bakı Dəniz Vağzalının ərazisində yerləşən restoranlardan birində ona məxsus içərisində 1500 manat və sənədlər olan əl çantası oğurlanıb.
Araşdırmalar zamanı müəyyən edilib ki, həmin qadının çantası oğurlanmayıb. O, yaşadığı evə gedən zaman çantasını paytaxtın Nizami rayonu ərazisində yerləşən apteklərdən birinin qarşısında itirib. Su polisləri tərəfindən çanta tapılıb və içindəki pullar və sənədlərlə birgə sahibinə qaytarılıb.
