Novruz bayramı azərbaycanlıların ən qədim və gözəl bayramlarından biridir. Novruz baharın gəlişi, yeni fəslin başlanğıcı deməkdir. Hər bayramın öz ənənsi olduğu kimi, Novruz bayramının da öz inancları var.
Falçılıq axşam saatlarında, əsasən, Novruz bayramının son çərşənbəsində aparılır. Deyilənə görə, bu gündə edilən falçılıq gələcək haqda daha dəqiq məlumat verir.
Belə ki, axır çərşənbədən başlayaraq xanımlar fala baxmağı, öz taleyini fərqli yollarla öyrənməyi çox sevirlər. Bu adətlər, əsasən, subay xanımlarla bağlıdır. Bakuplus.az xanım oxucularına qismətlərini necə öyrənib evlənməkləri barədə qədim rituallar təqdim edir.
- Subay qızların xoşbəxt olması üçün gün ərzində su ilə dolu gil küpənin içinə tünd rəngdə olan “qara” sikkələr atılır, gün batmazdan əvvəl isə su sikkələrlə birlikdə evin damından küçəyə tökülür. Bununla bədbəxtlik əlaməti olan “qara” sikkələr subay qızların yaşadığı evdən uzaqlaşdırılır. Bu ayini yerinə yetirərkən geriyə baxmamaq lazımdır, çünki bədbəxtlik geri qayıda və arzular yerinə yetməyə bilər.
- Hər kəs "qulaq falı" haqda bilir, ancaq az adam xatırlayır ki, bunun üçün məhəllədə və ya qonşuların qapılarını dinləyərkən açarları qucaqda tutmaq lazımdır. Burada eşitdiyiniz ilk söz vacibdir və siz onu şərh etməyə çalışmalısınız. Əlinizdəki açar arzunun həyata keçməsinə yol açacaq açardır və eşidilən söz bu arzunun gerçəkləşib-gerçəkləşməyəcəyini anlamağa kömək edəcək.
- Yatmazdan əvvəl duzlu kökə yeyirsiniz və su içmirsiniz. Bu, gələcək ərinizi yuxuda görməyinizə kömək edəcək. Əfsanəyə görə, namizəd gəlininə içki verəcək.
- Nikah üzüyü sapa asılır və stəkan suya 3 dəfə batırılır. Üzük fırlanaraq şüşənin divarlarına dəyir. Qədəh neçə dəfə çalacaqsa, həmin yaşda da qız evlənəcək.
- Axır çərşənbədə qaba 1 yumurta, 1 qırmızı, 1 qara karandaş qoyulur. Əgər səhər yumurtanın üzərində qırmızı cızıqlar yaransa, xoşbəxtlik, qara cızıqlar olsa bədbəxtliklə qarşılaşacaqsınız.
- 3 parça xəmir götürülür, parçalardan birinə düymə yerləşdirilir və xəmirlər qarışdırılır. Daha sonra həmin xəmirlər mənzilin müxtəlif nöqtələrinə qoyulur. Biri - eşiyə, digəri - pəncərəyə, üçüncüsü isə küncə. Növbəti gün əgər düyməli xəmir qapının ağzındadırsa, deməli toy yaxınlaşır, pəncərədədirsə, nişan yaxınlaşır, küncdədirsə, heç bir şey olmayacaq.
- Axır çərşənbədə niyyət tutub gözləyirlər. Kim qapını açıb içəri girsə, onun birinci sözünü niyyətə görə yozurlar.
Analar üçün də ayin var. Axır çərşənbə axşamı ana övladlarının başından tük qırır və axar suya buraxır. Həmin yerdən bir qab su götürülür və uşaqların üstünə çilənir. İnanca görə, bu su təmizlik, sağlamlıq, paklıq gətirir. Həmin il uşaqlar xəstələnmir.
Novruz bayramınız mübarək! Bütün qızlar ailə xoşbəxtliyi tapsınlar!
