Sumqayıt-Bakı qatarı yenidən ləngiyib.
Oxu.az xəbər verir ki, bu gün səhər saatlarında texniki nasazlıq yaranan Sumqayıt-Bakı elektrik qatarı 1 saat gecikmə ilə son stansiyaya çatıb. Belə ki, saat 06:50-də Sumqayıt Dəmiryol Stansiyasından hərəkətə başlayan qatar saat 07:42-də son ünvana çatmalı idi, lakin qatar Bakı Dəmiryol Stansiyasına 08:42-də yetişib.
Texniki nasazlıq səbəbindən qatar Zabrat-2 və Zabrat-1 stansiyaları arasında dayanaraq ləngiyib.
"Azərbaycan Dəmir Yolları" QSC-nin İctimaiyyətlə əlaqələr şöbəsinin müdiri Sənubər Nəzərova məsələ ilə bağlı bildirib ki, qatarda texniki problem olmayıb:
"Cərəyanın verilməsində problem yaranıb. Bir qatarda gecikmə baş verəndə onun ardınca gələn qatarlarda da ardıcıl olaraq qismən qrafikdən kənara çıxmalar olur.
