Bakı şəhəri, Yeni Suraxanı qəsəbəsində bəzi işıqforlar işləmir. Bu haqda bu gün, 21 noyabr tarixində Qafqazinfo məlumat verib.
Qəsəbənin mərkəzində olan 14 iyul küçəsində hərəkəti tənzimləyən işıqforlar ötən həftənin cümə günündən etibarən işləmir.
Daxili İşlər Nazirliyi (DİN) Nəqliyyatı İntellektual İdarəetmə Mərkəzinin mətbuat katibi Rauf Mirqulamov bildirib ki, nasazlıq elektrik verilişinin kəsilməsi ilə əlaqədardır. Bu gündən ərazidə təmir başlanılıb, problem qısa müddət ərzində həll olunacaq.
