İqtisadiyyat Nazirliyi yanında Antiinhisar Nəzarəti və İstehlak Bazarına Nəzarət Dövlət Xidməti iki aparıcı qida şirkəti ilə bağlı araşdırma aparır. Bu haqda bu gün, 28 iyun tarixində Bakuplus.az Demokrat.az-a istinadən məlumat verir.
Qurum “Səhliyalı” Kiçik Müəssisəsi və “Hakan Foods Azerbaijan Trading” MMC tərəfindən ət məhsullarının istehsalı və satışı zamanı ət məhsullarının keyfiyyəti və digər xassələri barədə istehlakçını çaşdıra biləcək hər hansı məlumatdan istifadə etməklə haqsız rəqabət əlamətlərini araşdırır.
“Səhliyalı” Kiçik Müəssisəsinə qarşı işə 10.07.2023-cü il tarixində, “Hakan Foods Azerbaijan Trading” MMC-yə qarşı işə isə 20.07.2023-cü il tarixində baxılacaq.
Ölkədə “Səhliyalı”nın məhsulları bazarda “1000 Bərəkət”, “Hakan Foods Azerbaijan Trading” MMC-nin məhsulları isə “Kral” ticarət nişanı ilə tanınır.
