Ölkədə Ekologiya və Təbii Sərvətlər Nazirliyi tərəfindən keçirilən Təmizlik Marafonu çərçivəsində Xəzər rayonunun Zirə qəsəbəsi ərazisində təmizlik aksiyası keçirilib. Bu haqda bu gün, 13 iyul tarixində Bakuplus.az Azərtac-a istinadən məlumat verir.
Aksiyada diplomatik missiyanın nümayəndələri daxil olmaqla 30 nəfərə yaxın könüllü iştirak edib. 1,5 hektar ərazidən 500 kiloqrama yaxın məişət tullantıları toplanılıb.
Ekoaksiyaya o cümlədən BMT-nin Azərbaycandakı rezident əlaqələndiricisi Vladanka Andreyeva da qoşulub. O, ənənəvi olaraq keçirilən aksiyaların çimərliklərdə tullantıların azalması ilə nəticələndiyini deyib.
Daha bir iştirakçı – Şimali Kipr Türk Respublikasının Bakıdakı nümayəndəliyinin rəhbəri Ufuk Turganer ətraf mühitin təmizliyində hər birimizin məsuliyyətli olduğunu diqqətə çatdırıb.
