Taksi fəaliyyəti ilə məşğul olanlar üçün açıqlama verilib. Bu haqda bu gün, 3 may tarixində Bakuplus.az APA-ya istinadən xəbər verir.
Yerüstü Nəqliyyat Agentliyindən verilən məlumata görə, 1 iyul tarixinə qədər taksi fəaliyyəti üçün icazə alanlar yaşı 15 ili keçməyən avtomobillərlə işləyə biləcəklər. 1 iyul tarixindən etibarən yaşı yalnız 8 ilə qədər olan nəqliyyat vasitələri üçün icazə almaq mümkün olacaq.
Bundan əlavə, 1 iyul tarixindən sonra qeydiyyatdan keçmək istəyən avtomobillərin rəngi ağ və ya qırmızı olmalıdır.
Yaşı 15 ili keçməyən avtonəqliyyat vasitələri ilə taksi fəaliyyəti göstərmək istəyənlər 1 iyul 2024-cü il tarixinə kimi https://e-xidmet.ayna.gov.az/ portalına daxil olub icazə üçün müraciət edə bilərlər.
