Bakıda kinoteatr və teatrlarda seansların vaxtı və repertuarı təyin olunub.
Report.az saytına istinadən Akademik Milli Dram Teatrında ilk tamaşanın nümayişi oktyabrın 15-dən sonra planlaşdırılır. Tamaşaların gec göstərilməsinin səbəbi məşq prosesinin yenidən aparılmasıdır.
Oktyabrın 1-i Kukla Teatrında həm köhnə, həm yeni tamaşalar hazırlanıb göstəriləcək.
Azərbaycan Dövlət Akademik Opera və Balet Teatrının ilk tamaşası oktyabrın 7-dən sonra tamaşaçılara təqdim olunacaq. Həmçinin qeyd olunub ki, balet truppası iki yeni tamaşa üzərində işləyir və tamamlamaq üzrədir.
"Cinemaplus” kinoteatrlarında hazırlıqlar həyata keçirilir və oktyabrın 1-nə yaxın repertuar hazır olacaq. Kinoteatrların çoxu ticarət mərkəzlərinin içində yerləşdiriyi üçün, tamaşaçılardan COVID-19 pasportu tələb olunmayacaq.
"Park Cinema" kinoteatrlarında təmizlik və texniki işlər gedir. Oktyabrın 1-dən zalların fəaliyyəti bərpa ediləcək və repertuar hazır olduqdan sonra sayta yerləşdiriləcək. Girişdə tamaşaçılardan COVID-19 pasportu tələb olunacaq.
Həm teatrlar, həm kinoteatrlarda zalların 50 faizindən çox olmaması tələbinə əməl olunacaq. Zalda tamaşaçılar arasında məsafə qorunacaq.
