“İki gündür ki, Novruz bayramı ilə bağlı təbriklər bir yana qalsın, üstündə papaq şəkli olan bank kartları atırlar. Üstündə də qapı döyülməsini əks etdirən səs yüklənir. Bu nə deməkdir? Bu mədəni pul istəmək deməkdir, yoxsa kiminsə qapısına getməyin, mənə pul atın deməkdir? Buna necə ad verək? "
Axsam.az xəbər verir ki, bu sözləri aparıcı tarix Əliyev (Tolik) sosial şəbəkə hesabında deyib. O, Novruz bayramına xas papaqatma ənənəsinin hazırda kart hesablarına pul köçürmək formasında dəyişdiyini qınayıb:
"Bir-iki dostuma atdım. Amma anlamadım bu zarafatdır, yoxsa gerçək? Mənə qəribə gəldi. Biz görmüşük ki, papağın içinə qoğal, şəkərbura, paxlava və konfet qoyarlar. Pulu papağın içinə niyə qoysunlar? Əgər pul istəyirsənsə, birdəfəlik de ki, pul istəyirəm. Bu da təzə çıxdı? Bu, mədəni yolçuluğun bir növüdür. Şəxsən bunu başqalarına deyil, amma dostlarıma yaraşdırmıram”.
