Dünyanın ən yaxşı universitetinə qəbul olan şagird daha bir uğura imza atıb. Bu haqda bu gün, 18 aprel tarixində Bakuplus.az Elm və Təhsil Nazirliyinə istinadən xəbər verir.
Fizika, riyaziyyat və informatika təmayüllü liseyin şagirdi Fidan Qarayeva 12-ci Avropa Qızlar Riyaziyyat Olimpiadasında (EGMO) uğur qazanıb. O, olimpiadada toplana biləcək ən yüksək balı toplamaqla qızıl medala sahib olub.
Sloveniyanın Portoroz şəhərində keçirilən yarışda 57 ölkədən 213 məktəbli iştirak edib. Azərbaycanı burada 4 şagird təmsil edib. Onlardan 1-i qızıl, 1-i bürünc və 2-si həvəsləndirici mükafata layiq görülüblər.
