“Toplum TV” işi ilə bağlı saxlanılan iki şəxsin həbs müddəti uzadılıb. Bu haqda bu gün, 4 iyul tarixində Bakuplus.az Lent.az-a istinadən məlumat verir.
Müvafiq qərar hakim Sülhanə Hacıyevanın sədrliyi ilə keçirilən iclasda qəbul edilib. Müşfiq Cabbarov və Akif Qurbanovun həbs qətimkan tədbirlərinin müddəti daha 3 aya uzadılıb.
Daha öncə məlum olub ki, "Toplum TV"nin həmtəsisçisi Akif Qurbanov və əməkdaşları Ramil Babayev, İlkin Əmrahov, Müşfiq Cabbarov və Əli Zeynalov barəsində isə 4 aylıq həbs qətimkan tədbiri seçilib. Onlar qaçaqmalçılıqda ittiham olunurlar.
Bundan əlavə, media eksperti Ələsgər Əhmədoğlu (Məmmədli) saxlanılıb. Onun barəsində də qaçaqmalçılıq üstündə cinayət işi açılıb.
