“Air Canada” aviaşirkətinə məxsus Toronto-Dehli reysini yerinə yetirən hava gəmisi Heydər Əliyev Beynəlxalq Aeroportunda təcili olaraq enib. Bu haqda bu gün, 23 oktyabr tariixndə Bakuplus.az hava limanının mətbuat xidmətinə istinadən məlumat verir.
Sol mühərrikində yağ təzyiqinin aşağı olması səbəbindən təyyarənin kapitanı aeroporta təcili eniş sorğusu göndərib. 22 oktyabr, saat 15:58-də “Boeing 777” Bakı Hava Limanına uğurla eniş edib. Hava gəmisində 301 sərnişin və 16 ekipaj üzvü olub.
Təyyarəyə baxış keçirilib, hadisənin bütün şərait və səbəblərini müəyyən etmək üçün zəruri tədbirlər kompleksi təşkil edilib.
