“Trendyol” çatdırılma qiymətlərində dəyişiklik edib. Bu haqda bu gün, 14 may tarixində Bakuplus.az xəbər verir.
Şirkətdən verilən məlumata görə, böyük bağlamalar üçün qiymət artımı tətbiq olunub:
“Məhsul çeşidimizin çox kiçik bir hissəsində müxtəlifhəcmli bağlamaların qiyməti fərqlənir. Ən aşağı desi qiyməti məhsulların əksəriyyətində 79,99 TL (4,22 AZN) olaraq qalır və dəyişməyib. Daha böyük həcmdə olan bağlamalar üçün isə bu rəqəm 99,99 TL (5,27 AZN) - 399,99 TL (21,09 AZN) arasında dəyişir. Müştərilərimiz çatdırılma sifarişi verərkən müvafiq karqo qiymətlərini platformamızda görə bilərlər”, – deyə açıqlamada bildirilib.
Daha öncə sosial şəbəkələrdə qiymət artımı ilə bağlı məlumatlar yayılmışdı.
