Bakıda anadan olmuş Rusiyanın əməkdar artisti Anatoli Yabbarov 86 yaşında vəfat edib. Bu haqda bu gün, 8 noyabr tarixində Bakuplus.az məlumat verir.
“Uğur centlmenləri” filmindəki rolu ilə tanınan teatr və kino aktyorunun noyabrın 6-da dünyasını dəyişdiyi dəqiqləşsə də, ölümünün səbəbi açıqlanmır.
Yabbarov 1937-ci il avqustun 24-də anadan olub. O, “Qaçış” (1970), “Uğur centlmenləri” (1971), “İki kapitan” (1976), “Həbsxanadan qaçış” (1977) filmlərində rollar oynayıb. Anatoli Yabbarov daha çox epizodik rollar oynasa da, xüsusi teksturası sayəsində mənfi personajları yaxşı bacarırdı.
