“Avroviziya” təmsilçilərimizdən olan müğənni Samirə Əfəndi açıqlaması ilə diqqət çəkib.
Olay. az xəbər verir ki, sənətçi şəxsi həyatı ilə bağlı yayılan xəbərlərə “Maqazin plyus” verilişində aydınlıq gətirib.
Müxbirin “Boğazınızda “K” hərfli boyunbağınız var. Bu sevgilinizin adının ilk hərfidir?” sualına Samirənin cavabı belə olub:
“Bu mənə özəl olan məsələdir. Bu mənə məxsusdur. Hətta görürsünüz o “K” hərfidə kiçikdir. Yəni, gözə soxmaq üçün böyük deyil. Həmin şəxs onu sevdiyimi onsuz da bilir. Bəlkə heç sevgilimin deyil, anamın, bacımın övladının adının baş hərfidir? Bu mənə çox özəl və qırmızı xəttimdir”.
S.Əfəndi bildirib ki, sevdiyi şəxslə 10 ildən artıqdır ki, münasibətdədir:
“Uzunmüddətli sevgi münasibətləri olmur, hörmət və qayğı olur. Lənət olsun, içimdəki insan sevgisinə (gülür). Sevgi, qayğı, dürüstlük… Nə verəcəksənsə, qarşılığında da onu alacaqsan. Bu elə bir mövzudur (münasibət – red.) ki, bitməz… Əgər 10 ildir bitməyibsə, demək, bu mövzu bundan sonra da bitməz”.
