Putinin Azərbaycana səfəri başa çatıb

Rusiya Federasiyası prezidenti Vladimir Putinin Azərbaycanda rəsmi səfəri bitib. Azərbaycan prezidenti İlham Əliyev onu yola salıb.

[video width="640" height="336" mp4="https://bakuplus.az/storage/photos/2024/08/video5339283221018337141.mp4"][/video]

18:00 - İlham Əliyevin adından Vladimir Putinin şərəfinə ziyafət verilir 

Ziyafətdə qonaqlara təqdim olunan menyu:

• Qara kürü;


• Kükü asssorti;


• Badımcan ləvəngisi;


• Qızardılmış badımcan salatı;


• Ayranaşı;


• Qızardılmış düşbərə:


• Ət və göy qutabları;


• Pip dolması;


• Kartof ilə qızardılmış ala balıq (Forel);


• Təndirdə keçi;


• Milli şirniyyatlar;


• Savalan və Meysəri şərabları.

Azərbaycan prezidentinin adından Vladimir Putinin şərəfinə "Gülüstan" sarayında dövlət ziyafəti başlayıb.

[video width="480" height="262" mp4="https://bakuplus.az/storage/photos/2024/08/video_2024-08-19_17-21-37.mp4"][/video]

17:17 - İlham Əliyev və Vladimir Putin Bakıda Katedrala gediblər

Vladimir Putin və İlham Əliyev Müqəddəs Mürdaşıyan Zənənlər Katedralını ziyarət ediblər.

[video width="960" height="540" mp4="https://bakuplus.az/storage/photos/2024/08/poseshhenie_kafedralnogo_sobora_svjatyh_zhjon_mironosic.mp4"][/video]

16:00 - İlham Əliyev və Vladimir Putin paytaxtda gəzintiyə çıxırlar

İlham Əliyev və  Vladimir Putin Bakı gəzintisinə çıxırlar. Onlar Ağ Şəhərə gedəcəklər. Avtomobili prezident İlham Əliyev idarə edir.

[video width="848" height="464" mp4="https://bakuplus.az/storage/photos/2024/08/video_2024-08-19_16-14-18.mp4"][/video]

16:00 - İki ölkənin liderləri birgə bəyanatla çıxış edirlər

Azərbaycan Prezidenti İlham Əliyev və Rusiya Prezidenti Vladimir Putin mətbuata birgə bəyanatlarla çıxış edirlər.

15:57 - İki ölkə arasında sənədlər imzalandı

Azərbaycanla Rusiya arasında imzalanmış sənədlərin mübadiləsi mərasimi başlayıb.

15:17 - Ölkə başçıları arasında geniş tərkibdə görüşə start verilib

Azərbaycan Prezidenti İlham Əliyevin Rusiya Prezidenti Vladimir Putin ilə geniş tərkibdə görüşünə başlanılıb.

14:12: Rusiya prezidenti Vladimir Putin bildirib ki, Bakı regionda vahəyə çevrilir

Bakı fəal şəkildə inkişaf edərək Cənubi Qafqaz regionunda vahəyə çevrilir. Bunu Rusiya Prezidenti Vladimir Putin Bakıda Azərbaycan Prezidenti İlham Əliyevlə görüşü zamanı deyib.

“Bakıda olmaqdan çox məmnunam”, – o bildirib.

Putin qeyd edib ki, Azərbaycan Prezidenti Bakının inkişafına böyük diqqət yetirir.

“Bu, göz önündədir. Şəhər uğurla inkişaf edir, deyərdim ki, regionda bu cür vahəyə çevrilir.

Biz Bakını sevirik - gözəl şəhərdir! Ən əsası isə Azərbaycanın bir çox digər yaşayış məntəqələri kimi intensiv inkişaf edir”, - Putin əlavə edib.

[video width="848" height="480" mp4="https://bakuplus.az/storage/photos/2024/08/jukjhkhjkhj.mp4"][/video]

13:55 - Vladimir Putin Azərbaycana təşəkkür etdi

Rusiya Prezidenti Vladimir Putin Bakıda Azərbaycan dövlət başçısı İlham Əliyevlə görüşü zamanı vurğulayıb ki, Azərbaycana səfərindən sonra Ermənistanın baş naziri Nikol Paşinyanla Prezident İlham Əliyevlə aparılan danışıqların nəticələrini müzakirə edəcək.

Putin bildirib ki, Rusiya Ermənistanla Azərbaycan arasında sülh sazişinin imzalanması və sərhədin demarkasiyası üçün nəsə edə bilsə, şad olacaq.

13:25 - Vladimir Putinin rəsmi qarşılama mərasimi keçirilir 

Vladimir Putin Azərbaycan Prezidentinin iqamətgahındadır. Onun rəsmi qarşılama mərasimi keçirilir.

[video width="848" height="464" mp4="https://bakuplus.az/storage/photos/2024/08/img_4285.mp4"][/video]

12:56 - Fəxri qarovul Vladimir Putini qarşılamağa hazırlaşır 

Fəxri qarovul Azərbaycan Prezidentinin iqamətgahında Rusiya Prezidenti Vladimi Putini qarşılamağa hazırlaşır.

[video width="848" height="464" mp4="https://bakuplus.az/storage/photos/2024/08/img_9024.mp4"][/video]

12:56 - Vladimir Putin əbədi məşəlin qarşısına əklil qoyub

Rusiya prezidenti Bakıda Şəhidlər Xiyabanını ziyarət edib, əbədi məşəlin qarşısına əklil qoyub.

[video width="1920" height="1080" mp4="https://bakuplus.az/storage/photos/2024/08/s-hidl-r-xiyabani.mp4"][/video]

12:38 - Vladimir Putin Fəxri Xiyabandadır

Rusiya Prezidenti Vladimir Putin Azərbaycana rəsmi səfəri çərçivəsində Fəxri Xiyabanı ziyarət edib.

[video width="1920" height="1080" mp4="https://bakuplus.az/storage/photos/2024/08/putin_vozlozhil_venok_k_mogile_obshhenacionalnogo_lidera_azerbajdzhana.mp4"][/video]

12:36 - Vladimir Putinin bugünki cədvəli necə olacaq?

Vladimir Putin Bakıda bir sıra əraziləri ziyarət edəcək. Bu haqda bu gün, 19 avqust tarixində Bakuplus.az Bizim.Media-ya istinadən xəbər verir.

Prezident ənənəvi olaraq Fəxri Xiyabanı ziyarət edəcək və Azərbaycanın Ümummilli Lideri Heydər Əliyevin məzarı önünə əklil qoyacaq. Sonra Putin Şəhidlər Xiyabanında gedəcək və Azərbaycanın müstəqilliyi uğrunda həlak olmuş şəhidlərin xatirəsini ehtiramla yad edəcək.

Dövlət səfərinin proqramı Rusiya liderinin Prezident İlham Əliyevlə rəsmi görüşündən başlayacaq. 2 dövlət başçısının əvvəlcə təkbətək danışacağı, sonra Rusiya-Azərbaycan danışıqlarının geniş tərkibdə davam etdiriləcəyi planlaşdırılır. Mərasim Zaqulbada baş tutacaq.

Danışıqların yekununda liderlərin birgə bəyanatı qəbul ediləcək, həmçinin bir neçə hökumətlərarası və digər sənədlər imzalanacaq.

Daha sonra Putin Ağ Şəhər layihəsi ilə tanış olacaq. Liderlər birlikdə Ağ şəhər ərazisini gəzəcək və sonra katedralı ziyarət edəcəklər.

Səfərin sonunda ali qonağın şərəfinə dövlət ziyafəti veriləcək.