Xətai rayonunda Nizami Gəncəvi parkında yenidənqurma işləri yekunlaşıb. Bu haqda 30 dekabr tarixində Bakuplus.az-a məlumat daxil olub.
11,2 hektar ərazisi olan “Nizami Gəncəvi” adına mədəniyyət və istirahət parkında paytaxt sakinlərinin və şəhərimizin qonaqlarının istirahəti üçün hər cür şərait yaradılıb.
Görülən işlər:
- Parkın ərazisində yerləşən inzibati binalarda əsaslı təmir və yenidənqurma işləri həyata keçirilib
- Süni göl yaradılıb
- Amfiteatr və 1938-ci ildən mövcud olan yay kinoteatrı yenidən qurulub
- Yay kinoteatrının qarşısında çay daşlarından qədim tipli yeni qala divarı tikilib
- İki fəvvarə kompleksi və müasir tipli işıqlandırma sistemi yaradılıb
- Parkda müasir söhbətgahlar, müxtəlif ölçülü oturacaqlar, idman qurğuları quraşdırılıb
- Uşaq əyləncə kompleksi yaradılıb
- Parkın ərazisində yaşıllaşdırma işləri görülüb
Qeyd edək ki, 30 dekabr tarixində Prezident İlham Əliyev və Birinci xanım Mehriban Əliyeva Nizami Gəncəvi parkında yenidənqurmadan sonra yaradılan şəraitlə tanış olublar.
Park 1875-ci ildə salınıb və torpağı əsasən cənub zonasından Bakıya gətirilib. Sovet dövründə, 1922-ci ildən bu ərazi rəsmi olaraq park statusunu alıb. Park ilk öncə şair Lunaçarskinin şərəfinə "Luna Park" adlandırılıb, müstəqilliyimiz əldə olunduqdan sonra isə Nizami adına Mədəniyyət və İstirahət Parkı olub.
[URIS id=22618]
