Bakıda yaşlı kişini qətlə yetirən şəxsin məhkəməsi başa çatıb. Bu haqda bu gün, 17 iyun tarixində Bakuplus.az Oxu.az-a istinadən məlumat verir.
Bakı Ağır Cinayətlər Məhkəməsinin hökmü ilə təqsirli bilinən Ceyhun Rzayev 12 il müddətinə аzadlıqdan məhrum olunub.
2021-ci ilin 19 dekabr tarixində 74 yaşlı Vaqif Hüseynov aralarında yaranmış mübahisə zamanı 51 yaşlı Ceyhun Rzayev tərəfindən kəsici-deşici alətlə döş qəfəsindən xəsarət alıb. Zərərçəkən hadisə yerində dünyasını dəyişib.
Məhkəməyə təqdim olunan məlumata görə, Ceyhun Rzayev yaşadığı binanın qarşısına gələndə qonşusu Vaqif Hüseynovun onun doğma oğlu Şiraslan Rzayevi və ögey oğlu Fyodor Dyatlovu döyməsini görüb.
Mübahisəyə müdaxilə etdikdə qonşusu ona da yumruqla zərbə vurub. Bundan hiddətlənən Rzayev üzərində olan yastı tiyə tipli deşici-kəsici əşya ilə Hüseynovun döş qəfəsinə xəsarət yetirib.
