Bakıda kafedə qətl törədən şəxsin cinayət işi üzrə ibtidai istintaq yekunlaşıb. Bu haqda 30 dekabr tarixində Report məlumat verib.
Xətai rayonunda avqustun 29-da “Berlin pub” adlı iaşə obyektində mühafizəçi Orxan Şahbazov ora müştəri kimi gələn 40 yaşlı Vüqar Mustafayevi döyüb. Yaralı qapalı kəllə-beyin və baş beyinin ağır dərəcəli əzilməsi xəsarətləri ilə xəstəxanaya çatdırılıb. Vüqar Mustafayev avqustun 30-da xəstəxanada dünyasını dəyişib.
Faktla bağlı Cinayət Məcəlləsinin “Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işinə başlanılıb. İş, baxılması üçün Bakı Ağır Cinayətlər Məhkəməsinə göndərilib.
