14 oktyabr tarixində Vətən müharibəsi şəhidi, mayor Rüfət Əsgərovun anım günü keçirilib. Bu haqda Xətai Rayon İcra Hakimiyyəti xəbər verib.
Tədbir zamanı şəhidin ailə üzvləri, yaxınları, ictimaiyyət nümayəndələri, Xətai Rayon İcra Hakimiyyətinin əməkdaşları şəhidin yaşadığı ərazidə yerləşən xatirə lövhəsini və II Fəxri xiyabanda məzarını ziyarət ediblər.
Şəhidə həsr olunmuş məktəblilərin ifasında ədəbi-bədii kompozisiya nümayiş olunub. Həmçinin, Vətən müharibəsində şəhidin qəhrəmanlığından, vətənpərvərliyindən danışılıb.
Xüsusi Təyinatlı Qüvvələrdən mayor R.Əsgərov 2020-ci il sentyabrın 27-də başlanan Vətən müharibəsi zamanı Suqovuşanın azadlığı uğrunda gedən döyüşlərdə, həmçinin Ağdərə şəhəri istiqamətində gedən döyüşlərdə savaşıb. Ermənistan Silahlı Qüvvələrinin 24-dən çox hərbçisini məhv edib, həmçinin üç postun Azərbaycan Ordusunun nəzarəti altına alınmasında fərqlənib.
Əsgərov oktyabrın 14-də Füzuli ərazisində, "Su-25" tipli təyyarədə döyüş tapşırığını yerinə yetirərəkən düşmən tərəfindən vurulub. O, II Fəxri xiyabanda dəfn olunub. Ölümündən sonra "Vətən uğrunda" medalı ilə təltif edilib.
[caption id="attachment_9420" align="alignnone" width="696"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9419" align="alignnone" width="696"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9418" align="alignnone" width="696"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9416" align="alignnone" width="696"]
Foto Xətai Rayonu İcra Hakimiyyətinin rəsmi saytı[/caption]
