Xəzər rayonunda 2 zabit rüşvətə görə tutulub. Bu haqda bu gün, 11 iyul tarixində Bakuplus.az Baş Prokurorluğa istinadən xəbər verir.
Səfərbərlik və Hərbi Xidmətə Çağırış üzrə Dövlət Xidmətinin Xəzər rayon idarəsinin vəzifəli şəxsləri saxlanılıblar. Belə ki, keçirilən əməliyyat zamanı çağırış şöbəsinin rəisi vəzifəsini icra edən baş zabit Savalan Rəsulov və həmin şöbənin zabiti Fərid İsmayılov rüşvət almaqda ittiham olunurlar. Onlar həqiqi hərbi xidmətə yararsız hesab edilmələrinə köməklik göstərilməsi müqabilində vətəndaşlardan müxtəlif məbləğlərdə pul alırdılar.
Faktla bağlı cinayət işi açılıb. Araşdırmalar davam edir.
