“Xaç atası” Bakı kinoteatrlarında nümayiş olunacaq. Bu haqda bu gün, 16 fevral tarixində Bakuplus.az xəbər verir.
Məşhur film 50 illik yubileyi münasibətilə böyük ekranlara geri qayıdır. ParkCinema və CinemaPlus-un ekranlarında isə 24 fevral tarixindən etibarən göstəriləcək.
Filmin rejissoru Frensis Ford Koppolanın birbaşa nəzarəti altında 300 korobka kinolent yoxlanılıb. Hər 3 filmdə ən yaxşı materiallar seçilərək, restavrasiya olunub, rənglər bərpa edilib. Film 4K keyfiyyəti səviyyəsinə qədər çatdırılıb.
“Xaç atası” 1972-ci ildə prokata çıxmış, 3 oskar və daha 19 müxtəlif mukafat qazanmışdır. 17 müxtəlif nominasiyada adı çəkilmişdir. Film 6 milyon dollar büdcə ilə 268 milyon dollardan çox pul qazanmağı bacarmışdır.
