Fransa Səfirliyinin İqamətgahında Xalça muzeyinin direktoru Şirin Məlikovaya İncəsənət və Ədəbiyyat ordeninin Kavaler rütbəsi təqdim olunub. Bu haqda BakuPlus.az Milli Xalça Muzeyinə istinadən 16 fevral tarixində xəbər verib.
Tədbirdə çıxış edən Fransanın Azərbaycandakı səfiri Zakari Qross Şirin Məlikovanın Azərbaycan-Fransa mədəni əlaqələrinin inkişafı istiqamətində gördüyü işlərdən danışıb.
Səfirin ordeni təqdim etməsindən sonra Şirin Məlikova çıxışında səfirə minnətdarlığını bildirib.
İncəsənət və Ədəbiyyat Kavaleri ordeni bədii, ədəbi sahədə incəsənətə və ədəbiyyata töhfələr verən şəxslərə təqdim olunur.
