Xalq artisti Mirzə Babayevin 110 illik yubileyinə həsr olunmuş konsert Heydər Əliyev Sarayında, noyabrın 23-də təşkil olunacaq. Bu haqda bu gün, 29 sentyabr tarixində Bakuplus.az İticket.az-a istinadən xəbər verir.
Konsertdə Azərbaycanın məşhur mədəniyyət və incəsənət nümayəndələri, Xalq artistləri Flora Kərimova, Azər Zeynalov, Brilliant Dadaşova, Mübariz Tağıyev, İlqar Muradov, Gülyanaq Məmədova, Əməkdar artistlər Teymur Əmrah, Şölə Səfərəliyeva, Rəşad İlyasov, Xəyyam Mustafazadə, Nurlan Növrəsli, Elton Hüseynəliyev, Vasif Məhərrəmli, Ramil Qasımov, tanınmış müğənnilər Nazim Pişyari, Nadir Qafarzadə, İlqar Xəyal, Zabitə Alıyeva, Zamiq, Samir Piriyev, Aytən Məhərrəmova, Vüsal Hacıyev, Çinarə Məlikzadə, “Qaya” qrupu, "Şeron" qrupu, "Dərviş" qrupu və başqaları çıxış edəcəklər.
Mirzə Babayevin yubiley gecəsində onun “Liman”, “Saçlarına gül düzüm”, “Sən uzaq, yaşıl ada”, “Kimlər gəldi, kimlər getdi”, “Kəpənək”, “Zəfəran”, “Çay” və digər mahnıları səsləndiriləcək.
Biletləri şəhərin kassalarından və onlayn əldə etmək mümkündür.
