Xalq artisti Ənvər Həsənovun səhhətinin pisləşməsi ilə bağlı məlumat yayılıb. Bu haqda 9 mart tarixində Report məlumat verib.
Məsələ ilə bağlı Mədəniyyət Nazirliyindən açıqlama verilib. Mətndə bildirilib ki, məsələ ilə bağlı Mədəniyyət Nazirliyinə rəsmi müraciət olunmasa da, məlumat mətbuatda yayımlandıqdan dərhal sonra Ə.Həsənovun ailə üzvləri ilə əlaqə saxlanılıb və onların istəkləri dinlənilib. Sözügedən məsələ ilə bağlı Ə.Həsənova müvafiq istiqamətdə mümkün dəstək və köməklik göstəriləcək.
Xalq artisti daha öncə, ötən ilin avqust ayında da ağır vəziyyətdə xəstəxanaya yerləşdirilib.
Ənvər Həsənov 1950-ci ildə Bakıda anadan olub. O, gənc yaşlarından kinolara çəkilməyə başlayıb. Xüsusilə "Yeddi oğul istərəm" filmində Cəlal, "Dərviş Parisi partladır" filmində Şahbaz, "Babək" filmində Tərxan, "Atları yəhərləyin" filmində Sirac, "Uşaqlığın son gecəsi" filmində Murad və başqa maraqlı obrazlar yaratmışdır. Ənvər Həsənov aktyor, rejissor və ya rejissor assistenti kimi ümumilikdə 50-yə yaxın filmin çəkilişində iştirak edib.
