Xankəndi şəhəri yaxınlığında yerləşən yanacaqdoldurma məntəqəsində partlayış nəticəsində xəsarət alanların kütləvi qəbulu üçün Saatlı, Sabirabad və Ağdam xəstəxanaları operativ şəkildə hazır vəziyyətə gətirilib. Bu haqda bu gün, 26 sentyabr tarixində Bakuplus.az Oxu.az-a istinadən məlumat verir.
Bakıdan təcili olaraq yaralıların müalicəsi üçün briqadalar göndərilib.
11:03 - Xankəndidə yanacaqdoldurma məntəqəsində partlayış olub: qurbanların sayı məlum olub – YENİLƏNİB
Bildirlir ki, Qarabağ ermənilərinin nümayəndələri rəsmi Bakıdan təklif olunmuş köməkdən imtina ediblər. Buna baxmayaraq, Xankəndiyə Bakıdan dünən operativ qaydada lazımi dərman vasitələri göndərilib və bu gün də bu addımlar davam edir.
Xankəndində yanacaqdoldurma məntəqəsində baş verən partlayış nəticəsində 20 nəfər ölüb, 280-dən çox insan yaralanıb.
09:32 - Xankəndidə yanacaqdoldurma məntəqəsində partlayış olub
Xankəndi şəhəri yaxınlığında yerləşən yanacaqdoldurma məntəqəsində partlayış baş verib. Benzin çəninin partlaması nəticəsində çoxlu sayda ölən (dəqiq sayı məlum deyil) və 200 yaralananın olduğu bildirilir. Bu haqda bu gün, 26 sentyabr tarixində Bakuplus.az APA-ya istinadən məlumat verir.
Azərbaycan Respublikası Prezidentinin Administrasiyasından bildirilir ki, hadisə yerinə Fövqəladə Hallar Nazirliyinin (FHN) əməkdaşları yollanıblar, dərman ehtiyatı, ilkin yardım üçün avadanlıq və ləvazimatlarla təchiz edilmiş avtomobil Ağdam-Əsgəran-Xankəndi yolu ilə yola salınıb.
Xankəndi şəhər xəstəxanasında həkim və tibbi ləvazimat çatışmazlığı olduğu bildirilir.
[video width="320" height="320" mp4="https://bakuplus.az/storage/photos/2023/09/img_4362.mp4"][/video]
