Bakıda yeni park salınır. Artıq ərazidə söküntü işləri də aparılıb.
Söhbət paytaxtın Xətai rayonu, 8-ci Zavod küçəsi adlanan ərazidən gedir. Belə ki, ərazidə yaşayan sakinlərin sözlərinə görə, qeyd olunan yerdə işlər bir neçə aydır başlayıb.
Artıq ərazidəki müxtəlif təyinatlı binalar, eyni zamanda yaşayış evləri sökülüb.
Məsələ ilə bağlı Xətai rayon İcra Hakimiyyətindən Xəzər TV-yə bildirilib ki, estetik görkəmin yenilənməsi ilə əlaqədar olaraq ərazidə layihələndirmə işləri həyata keçirilib.
Verilən məlumata görə, işlərin qısa vaxt ərzində başa çatdrılması planlaşdırılır.
