Bu gün, 19 sentyabr saat 03:45 radələrində Xocavənd rayonu ərazisində “Azəravtoyol” ASC-yə məxsus “Hovo” markalı yük avtomobilinin minaya düşməsi nəticəsində sürücü və sərnişin hadisə yerində həlak olublar. Bu haqda Bakuplus.az Dövlət Təhlükəsizliyi Xidmətinə istinadən məlumat verir.
Törədilən terror aktı nəticəsində agentliyin əməkdaşları – 58 yaşlı Fərhad Quliyev və 53 yaşlı Samir Sadıxov yerindəcə keçiniblər.
Faktla bağlı “Mütəşəkkil dəstə tərəfindən təkrar odlu silahdan, partlayıcı maddələrdən və qurğulardan istifadə etməklə terrorçuluq”, “Mütəşəkkil dəstə tərəfindən ümumi təhlükəli üsulla, təkrar terrorçuluqla əlaqədar milli ədavət və düşmənçilik niyyəti ilə iki və ya daha çox şəxsi öldürmə”, “Mütəşəkkil dəstə tərəfindən təkrar qanunsuz olaraq odlu silah, onun komplekt hissələri, döyüş sursatı, partlayıcı maddələr və qurğular əldə etmə, saxlama, daşıma və gəzdirmə” və digər maddələri ilə cinayət işi başlanıb.
