Minik avtomobillərinin avtobus zolağına çıxmasına görə 100 manat cərimə olunmasından sonra bu zolağa çıxan digər avtomobillərin sayı kəskin azalıb. Bu haqda bu gün, 6 avqust tarixində Bakuplus.az Xəzər Xəbər-ə istinadən məlumat verir.
Avtobus sürücüləri xüsusi zolaq ayrıldıqdan sonra yollarda çox nadir hallarda tıxacla rastlaşdıqlarını bildirirlər. Bu, avtobus intervallarını tənzimləməyi mümkün edir.
Sərnişinlər avtobusların xidmət intervallarında fərq olduğunu da qeyd edirlər.
Şəxsi avtomobil sahiblərinin sözlərinə görə, paytaxtın bir çox ərazilərində zolaqların düzülməsi sıxlığa səbəb olur.
Bəzi sürücülər avtobusların tıxaclara çox düşməməsini avtomobillərin sayının azalması ilə əlaqələndirirlər. Onların fikrincə, yay tətili başa çatdıqdan sonra, çox güman ki, yenidən tıxac yaranacaq.
