Bu il Bakıda baş verən cinayətlərin sayı açıqlanıb. Bu haqda bu gün, 15 iyul tarixində Bakuplus.az Baş Prokurorluğa istinadən xəbər verir.
Cari ilin ilk yarısı ərzində paytaxtda 8552 cinayət hadisəsi qeydə alınıb. Onlardan təqribən 7568-nin üstü açılıb.Törədilən 24 qəsdən adam öldürmə və 11 qəsdən adam öldürməyə cəhd cinayətlərinin, həmçinin ötən illərdən bağlı qalan 1 qəsdən adam öldürmə cinayətinin açılması təmin edilib.
Bundan əlavə, paytaxt ərazisində ibtidai istintaqı tamamlanmış cinayət işləri üzrə ümumilikdə dövlətə, fiziki və hüquqi şəxslərə vurulmuş 3 milyon 139 min 311 AZN məbləğində maddi ziyanın 1 milyon 659 min 584 AZN-i geri qaytarılıb.
