Ermənistanın hərbi təxribatı nəticəsində yaralanan əsgər Bakıda müalicə alır. Bu haqda bu gün, 13 fevral tarixində Bakuplus.az APA-ya istinadən xəbər verir.
Dövlət Sərhəd Xidmətinin 24 yaşlı hərbi qulluqçusu əsgər Pərviz Xəlilzadə Respublika Neyrocərrahiyyə Xəstəxanasına gətirilib.
Tibb müəssisəsinin baş həkimi Elçin İbrahimovun sözlərinə görə, xəstə daxil olarkən vəziyyəti ağır idi, güllə onurğa kanalını zədələmişdi. Cərrahi əməliyyat aparılıb və güllə çıxarılıb, hazırda əsgərin vəziyyəti kafidir.
12 fevral tarixində Ermənistan silahlı qüvvələrinin bölmələri Tovuz rayonunun Koxanəbi yaşayış məntəqəsi istiqamətində ordumuzu atəşə tutmuşdu.
