Yasamal rayonunda illərdir tikintisi yekunlaşmayan bina sakinlərin narazılığına səbəb olub. Bu haqda 2 iyun tarixində Oxu.az-a istinadən xəbər verir.
Yeni Yasamal yaşayış massivi, Əhəd Əhmədov küçəsi 2 ünvanında yerləşən 5 ədəd çoxmərtəbəli binanın tikintisi 16 ildir ki yekunlaşmır. Bundan əlavə, bir mənzil eyni vaxtda digər insanlara satılıb.
Sakinlər deyirlər ki, illərdir onların şikayətləri heç bir nəticə vermir. Bu gün isə sakinlər təkrar olaraq “Global SF” MMC-nin ofisinə gediblər. Müzakirədən sonra tikinti şirkətinin rəsmiləri onlara vəd verib ki, şikayətlərinə baxılacaq.
“Daşınmaz əmlakın dövlət reyestri haqqında” qanunun 17-ci maddəsinə əsasən, tikintisi başa çatmayan binalar qabaqcadan çıxarışla deyil, arayışla qeydiyyata alınır. Mülki Məcəllənin 178.2-ci maddəsi isə tələb edir ki, daşınmaz əmlaka mülkiyyət hüququ reyestrdə qeydə alındığı andan yaransın. Tikinti şirkətləri də bundan ustalıqla yararlanırlar”, - hüquqşünas Səməd Vəkilov bildirib.
