Paytaxtın Yasamal rayonunda sakinlərlə səyyar görüş təşkil olunub. Bu haqda 30 sentyabr tarixində Bakuplus.az rayon İcra Hakimiyyətinə istinadən xəbər verir.
31 saylı tam orta məktəbin akt zalında keçirilən tədbirdə İcra başçısı Elşad Həsənov və Milli Məclisin deputatı Elnur Allahverdiyev yerli sakinləri qəbul edib, onların şikayət və təkliflərini dinləyiblər. Görüşdə Yasamal rayon İcra Hakimiyyəti başçısı aparatının məsul işçiləri, Yasamal bələdiyyəsinin, MKTB və kommunal xidmət sahələrinin rəhbərləri iştirak ediblər.
Tədbir zamanı vətəndaşlar mənzillərin konstruksiyasının dəyişdirilməsi, kooperativ binaların su təchizatı xətlərinin yenilənməsi, qəzalı evlər, əlillər üçün sosial yardım, küçələrin işıqlandırılması, Birinci Qarabağ müharibəsi veteranlarının sosial təminatı, yaşayış binalarının zirzəmisində su yığılması problemi və digər məsələlərlə bağlı öz fikirlərini bildiriblər.
Sonda Yasamal RİH-nin başçısı Elşad Həsənov sakinləri narahat edən problemlərin həlli istiqamətində müvafiq tapşırıqlar verib.
[caption id="attachment_72348" align="alignnone" width="640"]
Foto Yasamal RİH-nin rəsmi saytı[/caption]
