“Yeganə” şadlıq sarayında qanun pozuntuları aşkarlanıb. Bu haqda bu gün, 26 iyun tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlama zamanı bir sıra saxta içkilər aşkar edilib. Onların siyahısı aşağıdakı kimidir:
- 27 ədəd 0,7 litrlik “Kremlin”;
- 4 ədəd 0,7 litrlik “Северная столица”;
- 5 ədəd 1 litrlik “Beluga”;
- 14 ədəd 0,7 litrlik “Булбашъ”;
- 79 ədəd 0,7 litrlik “Мънскъ”;
- 21 ədəd 0,7 litrlik “Босс”;
- 32 ədəd 0,7 litrlik “Almaz”;
- 7 ədəd 0,7 litrlik “Chivas Regal”;
- 12 ədəd 0,5 litrlik “Chivas Regal”.
Həmçinin obyektdə qaralmış və yararsız 24 kq sub məhsulu (qaraciyər, bağırsaq və s.), 19,8 kq balıq, 80 kq piy, 250 kq ət, həmçinin çəkisi 20 kq olan son istifadə tarixi bitmiş “kartof fri” aşkar edilib.
Bundan əlavə, müəssisədə antisanitariya olduğu, dondurucularda istifadə müddəti bitmiş məhsullarla yeni məhsulların eyni yerdə saxlanıldığı və işçi heyətinin tibbi müayinədən keçmədiyi müəyyən edilib.
Aşkar olunan faktlarla bağlı obyekt rəhbərliyi məsuliyyətə cəlb olunub, məhsullar dövriyyədən çıxarılıb. Araşdırmalar davam edir.
Qafqazinfo-nun əldə etdiyi məlumata əsasən, “Yeganə Palace”ın külli miqdarda vergi borcu da var. Belə ki, müəssisə 93.258 AZN vergi ödəməlidir.
[caption id="attachment_104585" align="alignnone" width="640"]
Foto AQTA-nın rəsmi saytı[/caption]
