Prezident İlham Əliyev və birinci xanım Mehriban Əliyeva Bakının Suraxanı rayonunun Yeni Günəşli qəsəbəsindəki “Xanım Fatimeyi Zəhra” məscidinin yeni binasında yaradılan şəraitlə tanış olublar. Bu barədə Bakuplus Prezidentin mətbuat xidmətinə istinadən xəbər verir.
Məscidin köhnə binası qəzalı vəziyyətdə olduğuna görə dindarların ibadəti üçün müvafiq şərait yox idi. Bundan əlavə, bina 550-dən çox insanı qəbul edə bilməzdi. Nəticədə insanlar küçədə namaz qılmağa məcbur olurdular.
İndi məscidi eyni vaxtda 1800 nəfər ziyarət edə bilər. Məscidin yeni kompleksində kişi və qadınların ibadətləri üçün hər cür şərait yaradılmışdır. Kompleksin tikintisi zamanı Abşeron məscidlərinin memarlıq üslubuna uyğun elementlərdən istifadə olunub.
Məscid kompleksi, diametri 4 metr, hündürlüyü 42 metr olan iki minarə və 25 metr hündürlüyündə günbəzlə bəzədilib.
Kompleksə dəstəmaz və dini ayinlər üçün xüsusi binalar da daxildir.
Məsciddə mərkəzləşdirilmiş havalandırma sistemi quraşdırılıb, ona bitişik ərazi abadlaşdırılıb.
[URIS id=28243]
