Cari ayın sonu yer kürəsinə asteroid yaxınlaşacaq.
Bakuplus.az Nəsirəddin Tusi adına Şamaxı Astrofizika Rəsədxanasına istinadən xəbər verir ki, sentyabr ayının sonunda 2024 PT5 asteroidi Yerə yaxınlaşaraq 56 gün müddətində onun müvəqqəti ikinci peykinə çevriləcək.
2024 PT5 asteroidi avqustun 7-də Madriddə Komplutens Universitetinin astronomları tərəfindən kəşf edilib. Təxminən 10 metr uzunluğunda olan asteroid, sentyabrın 29-dan noyabrın 25-dək Yerin cazibəsinə düşərək onun mini peykinə çevriləcək.
