Azərbaycanlı müğənni, “Avroviziya” müsabiqəsinin iştirakçısı Samirə Efendi hazırda Yerusəlimdədir. O, ölkədə yaranmış hərbi vəziyyətlə bağlı paylaşım edib. Bu haqda bu gün, 7 oktyabr tarixində Bakuplus.az məlumat verir.
“5000 raket, hava limanı bağlıdır. Təl-Əviv bomba hücumuna məruz qalıb. Bu partlayış və siren səsləri qorxudur. Bizə dedilər ki, hoteldəki bomba sığınacağına enək”, – deyə Efendi yazıb.
Bu gün səhər saatlarında HƏMAS İsrailə qarşı kütləvi əməliyyata başlayıb.
Səhərdən bəri İsrail ərazisinə 5000-dən çox raket atılıb, onların əksəriyyətinin qarşısı alınıb. Yaraqlılar İsrail ərazisinin dərinliklərinə nüfuz edə biliblər. Mülki itkilər var.
Ölkə ordusu antiterror əməliyyatına başlayıb və on minlərlə ehtiyatda olan hərbçi orduya çağırılıb. İsrail ölkə ərazisində “Dəmir qılınclar” adlı antiterror əməliyyatı elan edib.
HƏMAS-nin İsrailə davam edən hücumu nəticəsində 22 nəfər ölüb, 300-ə yaxın insan yaralanıb.Yaralanan şəxslərdən 80-nin vəziyyətinin ağır olduğu bildirilib.
[caption id="attachment_115717" align="alignnone" width="640"]
Foto Samira Efendinin İnstgramı[/caption]
