Yevlax şəhərində Qarabağ bölgəsinin erməni sakinlərinin nümayəndələri ilə növbəti görüş keçirilir. Bu haqda bu gün, 29 sentyabr tarixində Bakuplus.az APA-ya istinadən məlumat verir.
Rəsmi Bakı tərəfindən görüşdə Azərbaycan Respublikasının Qarabağ bölgəsində yaşayan erməni sakinlərlə təmaslar üzrə məsul şəxs təyin edilmiş Ramin Məmmədov, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsinin müavini Bəşir Hacıyev və xüsusi nümayəndəliyin əməkdaşı İlkin Sultanov iştirak edirlər.
Erməni icmasını Sergey Martirosyan və David Melkumyan təmsil edirlər. Rusiya sülhməramlı kontingentinin nümayəndəsi görüşə iştirakçı kimi qatılıb.
Danışıqların mövzusu Qarabağda yaşayan erməni sakinlərin Azərbaycan cəmiyyətinə reinteqrasiyasıdır.
İlk görüş eyni məkanda sentyabrın 21-də baş tutub.
[video width="1280" height="720" mp4="https://bakuplus.az/storage/photos/2023/09/img_4700.mp4"][/video]
