Paytaxda 1 nömrəli Uşaq-Gənclər İnkişaf Mərkəzində Dövlət Yol Polisi (DYP) İdarəsi tədbir keçirib. Bu haqda bu gün, 7 oktyabr tarixində Bakuplus.az 1 nömrəli Uşaq-Gənclər İnkişaf Mərkəzinin Facebook səhifəsinə istinadən xəbər verir.
Tədbir "Diqqət, uşaqlar" adlı hərəkətin təhlükəsizliyi aylığı çərçivəsində baş tutub. Məqsəd uşaqlara yol hərəkəti qaydalarını başa salmaq, onları yollardakı təhlükələrdən qorumaqdır.
Bakı Şəhər DYP əməkdaşları ilə 1 nömrəli Uşaq-Gənclər İnkişaf Mərkəzinin əməkdaşları “Yol hərəkəti iştirakçılarının əsas vəzifələri”, “Yol təhlükəsizliyinə dair sürücülər üçün sual-cavablar”, “Yol təhlükəsizliyinə dair uşaqlar üçün sual-cavablar”, “Yol təhlükəsizliyinə dair sərnişinlər üçün sual-cavablar”, “Yol təhlükəsizliyinə dair piyadalar üçün sual-cavablar” və s. adlı bukletləri məktəblilərə təqdim ediblər.
Tədbirdə müxtəlif əyləncəli proqramlar vasitəsilə yol hərəkəti qaydaları təbliğ edilib.
